གྲུབ་ཆེན་ཀུ་ཀུ་རི་པ། 

ཀརྨ་སྒར་བྲིས་ཀྱི་ལུགས་སྐྱོང་བའི་ལྷ་རིས་པ་ཞིག་ཡིན་པའི་ཆ་ནས་ཆོས་འཕེལ་གྱིས་སྨྱུག་འཛིན་པར་ངོ་སྤྲོད་འདི་ལྟར་བྱས་པ་སྟེ། ཀརྨ་སྒར་བྲིས་ནི་བོད་ལུགས་ཀྱི་ཐུན་མོང་མིན་རི་མོའི་འབྲི་སྲོལ་ཆེན་པོ་ལྔ་ཡོད་པ་དེའི་ནང་ནས་སྐད་གྲགས་ཆེ་བའི་བྲིས་རྒྱུན་ཞིག་སྟེ། འདིའི་སྲོལ་ཐོག་མར་དར་སྤེལ་མཛད་མཁན་ནི་ཀརྨ་པ་སྐུ་ཕྲེང་བརྒྱད་པ་མི་བསྐྱོད་རྡོ་རྗེའི་སློབ་མ་ཡར་སྟོད་སྤྲུལ་སྐུ་ནམ་མཁའ་བཀྲ་ཤིས་ཡིན་པར《ཀམ་ཚང་ཆོས་འབྱུང་།》སྡེ་དགེ་དཔར་མ་པོད་གཉིས་པར་གསལ་པོར་བཀོད་ཡོད་ཅིང་། ཀརྨ་པ་སྐུ་ཕྲེང་བཅུ་པ་ཆོས་དབྱིངས་རྡོ་རྗེ་ཕྱག་རིས་ལ་མཁས་རྩལ་ཆེ་བར་བརྟེན་བཀའ་བརྒྱུད་ཕྱོགས་ཀྱི་དགོན་རྙིང་མང་པོ་ཞིག་ལ་སྒར་བྲིས་གྱི་སྲོལ་དར་ཁྱབ་བྱུང་བར་མངོན། ཀརྨ་པ་ཆོས་དབྱིངས་རྡོ་རྗེའི་ཕྱག་བྲིས་ཡིན་ཞེས་མཚན་བྱང་འཁོད་པའི་རྗེ་བཙུན་མི་ལ་རས་པ་དང་།

ཚེ་རིང་མཆེད་ལྔའི་ཞལ་ཐང་ཆུང་བ་གཉིས་ལྷོ་བྲག་ཉི་ལྡེ་དགོན་པར་ཡོད་ཚུལ་སྐྱེས་ཆེན་དམ་པ་འགའ་ཞིག་གི་རྣམ་ཐར་ནང་གསལ་ཞིང་། ཡང་གྲུབ་ཐོབ་བརྒྱད་ཅུའི་ཞལ་ཐང་སྒར་བྲིས་བྱས་པ་ཞིག་གནས་ནང་དཔའ་བོ་རིན་པོ་ཆེའི་ཐུགས་དམ་རྟེན་གྱི་གྲས་སུ་ཡོད་པ་དང་། ཡང་ལྷོ་བྲག་སྲས་མཁར་དགུ་ཐོག་གི་ལྷ་ཁང་དུ་གྲུབ་ཐོབ་བརྒྱད་ཅུའི་ཞལ་ཐང་སྒར་བྲིས་བྱས་པ་བཅས་ཡོད་ཚུལ་དེའི་དཀར་ཆག་ཏུ་རྒྱས་པར་གསལ་བ་ལྟར་ཐང་ག་ཁག་གཅིག་དེ་སྔོན་1988ལོ་ཁྲ་འབྲུག་དགོན་པར་མཇལ་རྒྱུ་ཡོད།

ཆོས་འཕེལ་གྱིས་ཀརྨ་སྒར་བྲིས་ཐང་ག་འབྲི་མཁན་ཞིག་ཡིན་དུས་མི་དེ་ཐང་ག་ལ་བརྩེ་དུང་ཟབ་པ་དང་མི་ཚེ་ཁྲོད་ཀྱི་དུས་ཚོད་ཕལ་ཆེར་དེ་ལ་སྤྱོད་འདོད་བ་ཞིག་ཡིན་ངེས། དཔེར་ན། ཚན་རིག་པ་ཞིག་གིས་མ་རྒན་ཞིག་གིས་རང་གི་བུ་མོ་དུས་རྟག་དྲན་པའི་མིག་ཆུ་ཞིག་དེ་འགྱིག་དམ་ཆུང་ཆུང་ཞིག་གི་ནང་བླུགས་ནས་ཚན་རིག་ཞིབ་འཇུག་བྱེད་དུས་འགྱིག་དམ་ཆུང་ཆུང་དེའི་ནང་ཆུ་ཡིན་ནམ་མིག་ཆུ་ཡིན་པ་དབྱེ་བ་ཤེས་ངེས་རེད་མོད། འོན་ཀྱང་དེའི་ནང་མ་ཤེས་པ་ཞིག་ཡོད་པ་ནི་སྙིང་རྗེ་དང་བརྩེ་དུང་ཞིག་ཡོད་པ་དེ་རེད།

དེ་ལྟར་རི་མོ་ལ་ཡག་བཙོག་ལྟ་ཤེས་མཁན་དང་མི་ཤེས་མཁན་ཞིག་ཡིན་ཀྱང་སྤྱིར་བཏང་ཞིབ་འཇུག་ཡག་པོ་བྱས་ན་ལྟ་ཤེས་ངེས། ཡིན་ཡང་ཐང་ག་དེ་ལ་དགའ་ཞེན་དང་བརྩེ་དུང་། སྙིང་རྗེ། དཀའ་བའི་རྔུལ་ཆུ་ལས་ཐོན་པའི་བདེ་སྐྱིད་སོགས་རིག་རྒྱུ་མེད་པ་མང་པོ་ཞིག་ཐིམ་ཡོད་པ་ནི་སྒྱུ་རྩལ་གཞན་པ་དང་རྩ་བ་ནས་འདྲ་བ་མིན་ཞེས་བཤད།

2012ལོར་འོད་དཔག་མེད་ཀྱི་ཞལ་ཐང་ལ་རྒྱལ་ཡོངས་མི་རིགས་ས་ཁུལ་ལས་རིགས་སློབ་གླིང་གི་གྲུབ་འབྲས་འགྲེམ་སྟོན་བྱ་འགུལ་སློབ་མའི་བརྩམས་ཆོས་འགྲེམ་སྟོན་ཐོག་གསེར་གྱི་རྟགས་མ་ཐོབ་པ་དང་། 2013ལོར་མི་ལ་རས་པའི་ཞལ་ཐང་ལ་ཀརྨ་བི་ཤྭ་བུམ་པ་རྟགས་མ་སྐབས་དང་པོའི་བྱ་དགའ་ཨང་གཉིས་པ་ཐོབ། 2016ལོར་རྒྱལ་ཆེན་སྡེ་བཞི་དང་གནས་བརྟན་བཅུ་དྲུག་དང་སྒྲོལ་མ་ཉེར་གཅིག །ཤཱཀྱ་ཐུབ་པ་སོགས་ཞལ་ཐང་བརྩམས་ཆོས་ཁག་ཅིག་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དཔེ་མཛོད་ཁང་གིས་གསོག་ཉར་བྱས་ཡོད། 2019ལོར་ཆོས་འཕེལ་ལ་དཀར་མཛེས་ཁུལ་གྱི་རིག་གནས་རྒྱུད་འཛིན་དང་གསར་གཏོད་ཀྱི་བཟོ་བོ་ཆེན་མོ་བཅུའི་མཚན་སྙན་ཐོབ་ཡོད།

ཆོས་འཕེལ་དེ་སྔོན་སི་ཁྲོན་ཀརྨ་བི་ཤྭ་གངས་ལྗོངས་རིག་གནས་འཕེལ་རྒྱས་ཚད་ཡོད་སྤྱི་གཉེར་ཁང་གི་རི་མོའི་དགེ་རྒན་དང་ལྷ་རིས་པ་གཙོ་བོའི་འགན་ཁུར་མྱོང་ལ། ད་ལྟ་ཕ་ལགས་ཀྱིས་གཉེར་བའི་ཀརྨ་སྒར་བྲིས་ཐང་ཁའི་ལས་གཉེར་ཁང་དུ་ཇུས་འགོད་གསར་གཏོད་དང་སྒྱུ་རྩལ་གྱི་སྤྱི་ཁྱབ་ལྟ་སྐུལ་པའི་འགན་ཁུར་བཞིན་ཡོད། ཁོང་རང་གིས་ཀྱང་སྤྱི་གཉེར་ཁང་ཐོ་འགོད་བྱས་ཏེ་སྤྱི་གཉེར་ཁང་གི་མིང་ལ་སྡེ་དགེ་རྫོང་རྫོང་སར་བཀྲ་ཤིས་ལྷ་རྩེའི་ཀརྨ་སྒར་བྲིས་ཐང་ག་རིག་གནས་ཁྱབ་སྤེལ་ཚད་ཡོད་སྤྱི་གཉེར་ཁང་དང་། ཆོས་འཕེལ་གྱིས་རང་གི་མ་འོངས་པའི་བསམ་ཚུལ་གླེང་བའི་ཚེ། ཐང་ག་བྲིས་པ་དེ་ལུས་སེམས་གཉིས་ལ་ཕན་ཐོགས་ཡོད་པ་དང་ཐོག་མ་དེ་ལ་དགའ་ཞེན་ཡོད་དགོས། ཐང་ག་བྲིས་པ་ནི་བོད་ཀྱི་རིག་གནས་ཆེན་པོ་བཅུ་ལས་བཟོ་རིག་པའི་ཡ་གྱལ་ཡིན་ལ། སྤྱིར་ཀརྨ་སྒར་བྲིས་ཀྱི་ལག་ཤེས་དེ་རྒྱུད་འཛིན་ཡག་པོ་བྱ་རྒྱུའི་རེ་བ་ཡོད་ལ། བྱེ་བྲག་ཏུ་རང་གི་ཕ་ལགས་ཀྱི་ལག་ཤེས་དེ་རྒྱུད་འཛིན་བྱ་རྒྱུ་དེ་ཡིན་ཞེས་བཤད། ། 

ཤ་རིའི་བུ།

མོ་གལ་གྱི་བུ། 

རྣམ་ཐོས་སྲས། 

དེ་ལྟར་རི་མོ་ལ་ཡག་བཙོག་ལྟ་ཤེས་མཁན་དང་མི་ཤེས་མཁན་ཞིག་ཡིན་ཀྱང་སྤྱིར་བཏང་ཞིབ་འཇུག་ཡག་པོ་བྱས་ན་ལྟ་ཤེས་ངེས། ཡིན་ཡང་ཐང་ག་དེ་ལ་དགའ་ཞེན་དང་བརྩེ་དུང་། སྙིང་རྗེ། དཀའ་བའི་རྔུལ་ཆུ་ལས་ཐོན་པའི་བདེ་སྐྱིད་སོགས་རིག་རྒྱུ་མེད་པ་མང་པོ་ཞིག་ཐིམ་ཡོད་པ་ནི་སྒྱུ་རྩལ་གཞན་པ་དང་རྩ་བ་ནས་འདྲ་བ་མིན་ཞེས་བཤད།

གྲུབ་ཆེན་ཌ་མ་རུ་པ།