རི་མཐོན་པོ་དང་ཐང་བདེ་མོར་འཕུར་མྱོང་བའི།
སེམས་ཀྱི་སྙིང་ནོར་དུ་འཛིན་པའི་ལྷ་བྱ་དེ་ནི།
ང་ཡི་གླུ་གཞས་ཕྲ་མོ་ཡིན།
འཛུམ་མདངས་ལས་བཞུར་བའི་མིག་ཆུ་དེ།
ཐོག་མའི་བརྩེ་དུང་ཆགས་པའི་མཚོ་རླབས་བཞིན།
རྒྱང་རིང་གི་གནམ་སའི་འབྲེལ་མཚམས་སུ་འཁྱིལ་བའི།
ནག་ཐིང་ཐིང་གི་གཙང་བོ་དེ་ཡིན་ལ།
གནའ་བོའི་མི་རིགས་ཤིག་ལ་ཕུལ་བའི།
བཞད་མ་ཐག་པའི་མེ་ཏོག་ཆུན་པོ་དེའང་ཡིན།
ང་ཡི་གླུ་གཞས་ཕྲ་མོ་ནི།
ཨ་སྔོན་དབྱིངས་སུ་རྒྱུ་བའི།
ལང་ལོང་འཕྱུར་བའི་སྤྲིན་པ་དཀར་བོ་དེ་ཡིན།
(རྒྱལ་མོའི་ཚེ་དཔག་སྐྱབས་ཀྱིས་བསྒྱུར)
ང་ཡི་གླུ་གཞས་ཕྲ་མོ་ནི།
དབེན་པའི་གཅོང་རོང་གི་བྲག་ཅ་ཡིན་ལ།
རི་སུལ་ནས་མཆེད་པའི་འབོད་སྒྲ་ཡིན།
ཆར་རླུང་དྲག་པོ་ལྡང་རྗེས་ཀྱི།
ཡི་གར་འོང་བའི་རབ་ཁ་དེ།
མ་ཡུམ་མེས་རྒྱལ་ལ་ཕུལ་བའི།
བླ་ན་མ་མཆིས་པའི་བརྩེ་དུང་དེ་ཡིན།
