ལྗོན་པ་ལགས། ལོ་ཟླའི་རླུང་རླབས་ཁྲོད་ཀྱི།

དཀའ་ངལ་དང་།

ཁྱེད་ཀྱི་སྐྱེས་སྟོབས་ཀྱི་གོ་རིམ་བསམ་སྟེ།

མཁའ་མཐའ་ནས།

ཁྱེད་ཁོ་ནར་སྙེགས་ནས་འོང་ཚེ།

ཁྱེད་ཀྱིས་ང་ཚོར་འོད་ཀྱི་མིག་ཟུང་བསྩལ་ལ།

ཁྱེད་རང་འཁེན་ནས་ལངས་ཚེ།

ད་གཟོད།

ཁྱེད་ཀྱིས་ང་ཚོར་བརྟན་ཞིང་བརླིང་བའི་རྒྱབ་རི་མཛད་ཨང་།

ལྗོན་པ་ལགས། ཁྱེད་ཀྱིས་ད་ལྟའི་བར་དུ།

འཇིག་རྟེན་གྱི་གདགས་སྲིབ་བར་ནས།

རང་ལུས་ཀྱི་སྟོབས་ཤུགས་ཡོད་ཚད།

མ་འོངས་པར་ཕུལ་ཏེ།

ཏག་ཏག་དགུང་ལོ་བརྒྱ་བཞེས་དུས་འདིར།

ཕྱོགས་བཞིར་བལྟས་ཚེ།

ཁྱེད་ཁོ་ན་འཇིག་རྟེན་གྱི་ཡང་རྩེར་བསླེབས་ཟིན་པ་འདྲ།

ང་ཡི་ལྗོན་པ་ལགས།

ཁྱེད་ཀྱིས་དུས་རབས་ཀྱི་གདོང་ཁ་འདི་ནས།

ང་ཚོར།

སྡུག་བསྔལ་བསལ་ནས།

བདེ་སྐྱིད་ཀྱི་ལམ་ཆེན་བསྩལ་བྱུང་བས།

ད་ལྟ་ཁྱེད་ཀྱི་དགུང་ལོ་བརྒྱ་ཡི

འཛུམ་ཀོང་ནས།

ང་ཚོས་བསྟོད་པའི་གླུ་དབྱངས་ཁྱེད་ལ་ལེན་བཞིན་ཡོད་ལ།

དགའ་བའི་བྲོ་གར་ཡང་ཁྱེད་ཁོ་ནར་འཁྲབ་བཞིན་ཡོད།

ལྗོན་པ་ལགས། ཁྱེད་ཀྱི་གྲིབ་བསིལ་སྣུམ་པོའི་མངའ་འོག་ན། ད་ལྟ།

ཡུལ་མི་ཚོ་བག་ཕེབས་ངང་ངལ་གསོ་བཞིན།

ད་ལྟ་ཁོ་ཚོའི་ཁོག་ན་མྱ་ངན་མེད་ལ།

གདོང་ན་སྡུག་བསྔལ་གྱི་རྗེས་ཤུལ་ཡང་མེད་ཅིང་།

ད་དུང་།

རིགས་ཀྱི་མེ་ཏོག་གི་སོན་རྩྭ་རེ་རེ།

འདྲ་མཉམ་དང་འཆམ་མཐུན་གྱི།

གོ་ལ་ཧྲིལ་བོ་འདིའི་ཡང་སྙིང་དུ།

མེ་ཏོག་བཞིན་དགའ་ལྷང་ལྷང་གིས་བཞད་ཅིང་།

མ་འོངས་པར།

ཁོ་ཚོ་རེ་རེར་འཛུམ་དུང་དུང་གི་འབྲས་བཟང་སྨིན་ངེས།

བདག་གི་ལྗོན་པ་ལགས།

ཁྱེད་རང་དགུང་ལོ་བརྒྱ་བཞེས་དུས་འདིར།

ཁྱེད་ཁོ་ན་དམིགས་ཡུལ་དུ་བཟུང་སྟེ།

ང་རང་ཁྱེད་ཀྱི་རྗེས་སུ་སྙེག་ནས་འོང་གིན་ཡོད།

མིན། ང་ཚོ།

ལུས་དང་གྲིབ་མ་བཞིན་ཁྱེད་ཁོ་ནའི་རྗེས་སུ་དེད་ནས་ཡོང་གི་ཡོད་ཨང་།