2022ལོའི་ཟླ་2པའི་ཚེས་4ཉིན་པེ་ཅིང་དགུན་དུས་ཨོ་རྩལ་འགྲན་ཚོགས་གཟབ་རྒྱས་ངང་འགོ་ཚུགས་ཏེ། མཉམ་དུ་མ་འོངས་པར་ཕྱོགས་ཞེས་པའི་པེ་ཅིང་དགུན་དུས་ཨོ་རྩལ་འགྲན་ཚོགས་ཀྱི་བརྗོད་དོན་འབོད་ཚིག་གིས་མི་རྣམས་ཀྱི་ཨོ་རྩལ་གྱིི་སྤྲོ་སེམས་འཕེལ་བར་བྱས་ནས་འཛམ་གླིང་ཡོངས་ཀྱི་ཤ་མདོག་མི་འདྲ་བ་དང་རིགས་རྒྱུད་མི་འདྲ་བ། དད་སེམས་མི་འདྲ་བ་བཅས་ཀྱི་མི་རྣམས་ལ་ཨོ་ལིན་ཕིག་གི་དར་ཆའི་འོག་ལག་གདང་སྦྲེལ་ནས་མདུན་སྐྱོད་དང་འབྱུང་འགྱུར་ལ་ཕྱོགས་པའི་འབོད་སྐུལ་བྱས་པ་རེད། དེ་དང་ཆབས་ཅིག་དགུན་དུས་ཨོ་རྩལ་འགྲན་ཚོགས་ཀྱི་འཁྲུག་ཆ་དོད་པའི་རྣམ་པ་ལས་གངས་འཁྱགས་ཡུལ་སྐོར་དེ་དཔྱིད་གསར་དུས་ཆེན་རིང་གི་དགའ་བསུ་ཐོབ་ཆེ་ཤོས་ཀྱི་ཡུལ་སྐོར་རྣམ་གྲངས་ཤིག་ཏུ་གྱུར་ཡོད་པ་རེད།

 བསྡོམས་རྩིས་བྱས་པར་གཞིགས་ན། ད་ཐེངས་ཀྱི་དཔྱིད་གསར་དུས་ཆེན་གྱི་གུང་གསེང་རིང་ཏ་ཁོག་འཁྱགས་ཀླུང་རི་བོས་ཡུལ་སྐོར་པར་སྣེ་ལེན་ཞུས་པའི་མི་ཐེངས་དེ་དུས་མཚུངས་ལས་25.36%འཕར་བ་དང་། སྒོ་འཛིན་ཡོང་འབབ་དུས་མཚུངས་ལས་62.78%འཕར་བ། ཐད་ཀའི་ཡོང་འབབ་དུས་མཚུངས་ལས་35.99%འཕར་བ། མཛེས་ལྗོངས་ཁུལ་གྱིས་རྫོང་དང་ཅུས། སི་བཅས་ཕྱོགས་གསུམ་པོའི་མཉམ་ལས་འོག་བདེ་འཇགས་ཅན་དང་། སྤུས་དག་ཅན། སྒྲིག་ལམ་ཅན། ཕན་འབྲས་ཅན་བཅས་གཅིག་གྱུར་གྱི་དམིགས་ཚད་མངོན་འགྱུར་བྱུང་བ་དང་། 2022ལོའི་དཔྱིད་གསར་དུས་ཆེན་རིང་མཛེས་ལྗོངས་ཁུལ་གྱི་ལས་དོན་མི་སྣས་ཡུལ་སྐོར་ཞབས་ཞུའི་སྤུས་ཚད་དང་རིམས་ནད་སྔོན་འགོག་ཚོད་འཛིན་ལས་དོན་འགན་ལེན་བྱས་པས་རྒྱ་ཆེའི་ཡུལ་སྐོར་ལ་དགའ་པོ་བྱེད་མཁན་ཚོར་བདེ་འཇགས་ཡུལ་སྐོར་དང་། ཡ་རབས་ཡུལ་སྐོར། སྤྲོ་སྐྱིད་ཡུལ་སྐོར། བདེ་སྐྱིད་ཡུལ་སྐོར་བཅས་མངོན་གྱུར་བྱུང་ཡོད་པ་རེད།