དཀར་མཛེས་ཁུལ་འདབ་པ་རྫོང་དགའ་ཐང་གྲོང་རྡལ་དུ་མཐོ་ཚད་ལ་སྨི་བརྒྱ་ཡོད་པའི་འདེགས་ལྕོག་ཞིག་མཐའ་ཡས་པའི་ཐང་ཆེན་དུ་ཀྲོང་ངེར་ལངས་འདུག །དེ་ལས་ལྟེ་བ་བྱས་པའི་ཚངས་ཐིག་སྤྱི་ལེ་གཅིག་གི་ཁྱབ་ཁོངས་ཀྱི་སྒོར་དབྱིབས་ཐོག།།ཚངས་ཐིག་སྨི་6ཡོད་པའི་གནམ་སྐུད་313ཆ་སྙོམས་ཀྱིས་ཁ་བཀྲམ་ཏེ། རྒྱལ་ཁབ་ཀྱི་གལ་ཆེའི་ཚན་རྩལ་རྨང་གཞིའི་སྒྲིག་བཀོད་ཀྱི་བར་སྟོང་ཁོར་ཡུག་གི་རྩིག་རྨང་གི་ཕྱོགས་བསྡུས་ལྟ་ཞིབ་ཚད་ལེན་དྲ་བའི་མཚོན་རྟགས་རང་བཞིན་གྱི་སྒྲིག་ཆས་བྱི་རྟའི་ལས་གྲྭའི་དུས་རིམ་གཉིས་པ་སྟེ་སྒོར་གདུབ་ཉི་མའི་འཕྲོ་གློག་བརྙན་གྲུབ་རྒྱང་ཤེལ་ཐུན་མོང་ཐོག་གྲུབ་ཡོད། སྤྱི་ཟླ་4པའི་ཚེས་12ཉིན། སྒོར་གདུབ་ཉི་མའི་འཕྲོ་གློག་བརྙན་གྲུབ་རྒྱང་ཤེལ་གྱི་དམིགས་ཚད་གཏན་འཁེལ་གྱི་འདེགས་ལྕོག་གི་གྲུབ་ཆ་གཙོ་བོ་ལེགས་འགྲུབ་བྱུང་བ་ལས་སྒྲིག་ཆས་ཁྱོན་ཡོངས་ནས་ཐོན་སྐྱེད་དང་སྒྲིག་སྦྱོར་བྱེད་པའི་དུས་མཚམས་སུ་སླེབས་པ་མཚོན་ཡོད་པ་རེད། །