འབྲུག་དཀར་གཙང་འགྲམ་གྱི་སྙེ་མ་ཚོས་འདུག
དབྱར་གྱི་བསིལ་རླུང་ནང་ལ།
སྟོན་གྱི་དྲི་མས་ཁེངས་འདུག
ཐབ་ཚང་གི་ནང་ལ་གོ་རེ་བསྲེགས་པའི་ཚིག་དྲི།
དུས་ཚིགས་ཀྱི་དྲི་མ་དང་འདྲ།
རྒྱང་རིང་ནས་ཁུར་ཏེ་གམ་ལ་འབྱོར།
དབྱར་གཞུང་གི་རླུང་བུ་ཚ་མོ་ཡིན།
ཐབ་ཚང་གི་མེ་ལྕེ་དང་འདྲ་བོ་འདུག
རྨི་ལམ་གྱི་སྙེ་མ་འབུས་པའི་དུས་ཚིགས་སྒྲིག་གིན་འདུག
སྡེ་མཐའི་རང་འཐག་དང་གྲམ་གཞུང་གི་ཆུ་མོ་ལྷུང་ལྷུང་།
འཇགས་སུ་མེད་པའི་སྒྲ་དབྱངས་ནང་ལ་སྔོ་ཚོད་དང་ཙོང་དྲི་ཐུལ།
བདེ་སྐྱིད་དང་བརྩེ་དུང་ཟེར་བ།
ཞིབ་ཏུ་བསམས་ན།
ཤིན་ཏུ་ཉེ་བའི་དྲི་མ་ཞིག་རེད་ཨང་།
བྱིས་པ་ཁྱུ་ཞིག་གིས།
དཔེ་ཁུག་ཁུར་ནས་སློབ་གྲྭར་འགྲོ།
དག་གཙང་གི་མིག་ཟུང་ནང་ལ།
པྲ་ཚག་གི་སྙེ་མ་ཤིག་ཤིག་འགུལ།
2022.07.02 གཙང་འགྲམ།
