ཟུང་ཆུ་རྫོང་གི་བོད་ཆའང་གྲོང་སྡེ་རུ་ཞིང་ཁྱིམ་དཔེ་ཁང་དར་ཡོད། ཞིང་ཁྱིམ་དཔེ་ཁང་གིས་དུས་ལྟར་དུ་རྒྱ་ཆེའི་རོང་འབྲོག་པར་ཤེས་བྱའི་དགོས་འདོད་བསྐོང་ཐུབ་པས། ཞིང་ཁྱིམ་དཔེ་ཁང་དེ་ཟུང་ཆུ་རྫོང་གི་རོང་འབྲོག་པ་ཕྱུག་འགྱུར་གྱི་ལམ་དུ་བསྐྱོད་པའི་ལག་རོགས་བཟང་པོར་གྱུར་ཡོད།
ཟུང་ཆུ་རྫོང་ཅིན་ཨན་གྲོང་རྡལ་ཅིན་ཁང་པ་སྡེ་ཁུལ་གྱི་ཞིང་ཁྱིམ་དཔེ་ཁང་དུ་བོད་ཡིག་གི་དཔེ་ཆའི་རིགས་དང་། འཚོ་བ་དང་དཔལ་འབྱོར། རིག་གནས། བྱིས་པའི་ཀློག་དེབ། འདེབས་འཛུགས་སྐོར་གྱི་དཔེ་ཆ་མང་པོ་དཔེ་སྒྲོམ་དུ་གྲལ་དག་པར་བསྒྲིགས་ཡོད་ལ། ཏག་ཏག་བློ་རྩེ་གཅིག་སྒྲིམ་གྱིས་དཔེ་ཆར་ལྟ་བཞིན་པའི་སློབ་མ་ཀྲང་ཅིན་ཡི་ཡིས་གསར་འགོད་པར་བཤད་རྒྱུར། དེ་རིང་གཟའ་ཉི་མ་རེད། སློབ་མ་གང་མང་འདིར་འོངས་ནས་རང་ཉིད་དགའ་སའི་དཔེ་ཆར་ལྟ་བཞིན་འདུག ང་ཡང་ཨ་ཅེ་དང་ལྷན་དུ་རྒྱུན་དུ་གཟའ་སྤེན་པ་དང་གཟའ་ཉི་མར་འདིར་འོངས་ནས་བྱིས་པའི་སློབ་གསོའི་སྐོར་གྱི་དཔེ་ཆར་བལྟས་པ་ཡིན། ང་རང་ཆེས་ཀློག་པར་སྤྲོ་བའི་དཔེ་ཆ་ནི《བྱིས་པའི་བློ་རིག་འབྱེད་པའི་སྒོ་མོ》ཞེས་པའི་དེབ་འདི་ཡིན། འདིར་བལྟས་ན་བྱིས་པའི་འཆར་སྒོ་དང་ལྟ་ཀློག་ནུས་པ་བསྐྱེད་ཐུབ།
མིག་སྔར་ཟུང་ཆུ་རྫོང་གིས་ཞིང་ཁྱིམ་དཔེ་ཁང་རྫོང་ཡོངས་ཀྱི་སྲིད་འཛིན་སྡེ་བའི་རྨང་གཞིའི་རིག་གནས་སྒྲིག་ཆས་སུ་ཁེབས་པར་བྱས། སྡེ་བ་རེ་རེའི་ཞིང་ཁྱིམ་དཔེ་ཁང་ལ་རིག་གནས་དང་ཞིང་ལས་ལག་རྩལ། ཚན་རྩལ། བཅའ་ཁྲིམས་སོགས་ཀྱི་དཔེ་ཆ་སྟོང་ལས་བརྒལ་བ་བཀོད་སྒྲིག་བྱས་ཡོད་པས། རྒྱ་ཆེའི་རོང་འབྲོག་པ་རྣམས་ནམ་ཡིན་ཡང་ཞིང་ཁྱིམ་དཔེ་ཁང་དུ་སློབ་སྦྱོང་བྱེད་དུ་ཡོང་ཆོག་པས། རོང་འབྲོག་པའི་བསམ་བློའི་འབྲུ་མཛོད་ཀྱིས་གྲོང་གསེབ་དར་རྒྱས་ཀྱི་བྱ་གཞག་ཁྲོད་ནུས་པ་བླ་ལྷག་འདོན་པར་དགེ་མཚན་ཆེན་པོ་ལྡན་ཏོ།།
