ཉེ་བའི་ལོ་ཤས་རིང་། མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་རྐང་ཚ་རྫོང་གིས་འབྲི་གཡག་གསོ་སྤེལ་ལས་རིགས་དར་རྒྱས་གཏོང་བའི་ལས་གྲྭ་ལག་ལེན་བསྟར་ནས་མཚོ་སྐོར་རྣམ་པའི་འབྲི་གཡག་གསོ་སྤེལ་རྟེན་གཞི་བཙུགས་པ་རེད། ཀྲུང་གོ་ཚན་རིག་ཁང་ནུབ་བྱང་ས་མཐོའི་སྐྱེ་དངོས་ཞིབ་འཇུག་སུའོ་ཡི་རིགས་གཅིག་མཁས་ཅན་ཚོགས་པར་བརྟེན་ནས། རྐང་ཚ་རྫོང་གིས་མཚོ་སྐོར་རྣམ་པའི་འབྲི་གཡག་སྤུ་རིང་གསོ་ཚགས་དང་ཁྱབ་གདལ་གཏོང་བ་དང་། འབྲི་གཡག་གི་ནོར་ཁུལ་ཐོན་ཚད་དང་སྤུས་ཚད་མཐོ་རུ་གཏོང་བ། འབྲི་གཡག་སྤུ་རིང་གི་ཁུ་ལུའི་སྤུས་ཚད་མཐོ་རུ་གཏོང་བ་བྱས་ཏེ། གསོ་ཚགས་དང་། གསོ་སྤེལ། ཐོན་རྫས་གསར་སྤེལ་བཅས་གཞི་གཅིག་ཅན་གྱི་རྣམ་པ་བཏོད་དེ་འབྲོག་པའི་ཡོང་འབབ་མང་དུ་བཏང་།
མཚོ་སྐོར་རྣམ་པའི་འབྲི་གཡག་སྤུ་རིང་གཙོ་བོ་མཚོ་སྔོན་ཞིང་ཆེན་གྱི་མཚོ་སྔོན་པོ་བསྐོར་བའི་ས་ཁུལ་དུ་གནས་པ་དང་། དེ་ནི་མཚོ་སྔོན་ཞིང་ཆེན་གྱི་ནོར་གནག་དཀོན་པོའི་ཐོན་ཁུངས་ཀྱི་གྲས་ཤིག་ཡིན་ཞིང་། ནོར་ཁུལ་ཐོན་ཚད་ཆེ་བའི་ཁྱད་ཆོས་ལྡན་ཡོད།
