བོད་ལྗོངས་སྨར་ཁམས་རྫོང་འཇང་རིགས་ཤང་ཁོངས་ཀྱི་རྫ་ཆུའི་ངོགས་གཉིས་སུ་གནས་པའི་སྨར་ཁམས་ཀྱི་ཚྭ་ཁྲོན་ཚྭ་ཞིང་དུ་ས་རྒྱུའི་རྐྱེན་གྱིས་ཤར་འགྲམ་དུ་ཚྭ་དཀར་ཐོན་པ་དང་། ནུབ་ངོགས་སུ་ཚྭ་དམར་ཐོན་སྐྱེད་བྱེད་ཀྱི་ཡོད། སྨར་ཁམས་ཀྱི་ཚྭ་ཁྲོན་ཚྭ་ཞིང་ནི“ཇ་རྟའི་གནའ་ལམ”བོད་དུ་སླེབས་པའི་ས་ཚིགས་དང་པོ་དེ་ཡིན་པ་དང་། ལོ་ངོ་སྟོང་གི་ཚྭ་བཟོ་བའི་ལག་རྩལ་ད་བར་རྒྱུན་འཛིན་བྱས་ནས། 2008ལོའི་ཟླ་6པར་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་ཁག་གཉིས་པའི་མིང་གཞུང་ནང་བཅུག་ཡོད་ཅིང་། ད་ལྟ་འདི་གའི་ཚྭ་སྔར་བཞིན་མཐའ་འཁོར་གྱི་ས་ཆ་སོ་སོར་བཙོང་བཞིན་ཡོད།