ཞི་ཅིན་ཕིང་ཁྲེང་ཏུའུ་ཡི་སྐབས་31པའི་འཛམ་གླིང་སློབ་ཆེན་སློབ་མའི་དབྱར་དུས་ལུས་རྩལ་འགྲན་ཚོགས་ཀྱི་འགོ་ཚུགས་མཛད་སྒོར་ཞུགས་རྒྱུ་ཡིན་པ་དང་ཕྱི་འབྲེལ་གྱི་བྱེད་སྒོ་རབ་དང་རིམ་པ་སྤེལ་རྒྱུ་རེད།

        སྤྱི་ཟླ་7པའི་ཚེས་24ཉིན། ཕྱི་འབྲེལ་པུའུ་ཡི་མགྲིན་ཚབ་པ་ཧྭ་ཁྲུན་ཡིང་གིས། སྤྱི་ཟླ་7པའི་ཚེས་27ཉིན་ནས་ཚེས་28ཉིན་བར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཁྲེང་ཏུའུ་ཡི་སྐབས་31པའི་འཛམ་གླིང་སློབ་ཆེན་སློབ་མའི་དབྱར་དུས་ལུས་རྩལ་འགྲན་ཚོགས་ཀྱི་འགོ་ཚུགས་མཛད་སྒོར་ཞུགས་རྒྱུ་ཡིན་པ་དང་། ཀྲུང་གོ་རུ་འགོ་ཚུགས་མཛད་སྒོར་ཞུགས་པ་དང་འཚམས་འདྲིར་ཕེབས་པའི་ཕྱི་རྒྱལ་གྱི་འགོ་ཁྲིད་མི་སྣར་དགའ་བསུའི་གསོལ་སྟོན་དང་འབྲེལ་ཡོད་ཕྱོགས་གཉིས་ཀྱི་བྱེད་སྒོ་སྤེལ་རྒྱུ་རེད།

        ཀྲུང་གོ་རུ་འགོ་ཚུགས་མཛད་སྒོར་ཞུགས་པ་དང་འཚམས་འདྲིར་ཕེབས་པའི་ཕྱི་རྒྱལ་གྱི་འགོ་ཁྲིད་མི་སྣ་ལ་ཧིན་དྷུ་ཉི་ཞི་ཡ་སྤྱི་མཐུན་རྒྱལ་ཁབ་ཀྱི་ཙུང་ཐུང་ཙོ་ཁོ་དང་། མོ་རི་ཐ་ཉི་ཡ་དབྱི་སི་ལན་སྤྱི་མཐུན་རྒྱལ་ཁབ་ཀྱི་ཙུང་ཐུང་ཅཱ་ཙི་ཝ་ཉི། པུ་རུན་དི་སྤྱི་མཐུན་རྒྱལ་ཁབ་ཀྱི་ཙུང་ཐུང་ཨུན་དཱ་དབྱི་ཧྲི་མི་ཡེ། གྷ་ཡ་ན་མཉམ་ལས་སྤྱི་མཐུན་རྒྱལ་ཁབ་ཀྱི་ཙུང་ཐུང་ཨ་ལི། འཇོར་ཇི་ཡ་སྤྱི་མཐུན་རྒྱལ་ཁབ་ཀྱི་ཙུང་ལི་ཀ་ལི་པ་ཧྲི་ཝེ་ལི། ཧྥི་ཅི་སྤྱི་མཐུན་རྒྱལ་ཁབ་ཀྱི་ཙུང་ལི་ལན་པུ་ཁ་བཅས་ཡོད་ཅེས་ཁྱབ་བསྒྲགས་གནང་།