སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བུད་མེད་དང་བྱིས་པའི་ལས་དོན་གྱི་དགོངས་པ་ལག་བསྟར་དོན་འཁྱོལ་སྒོས། ན་ཆུང་བྱིས་པའི་སྤྱི་ཚོགས་ལག་ལེན་གྱི་སློབ་གསོ་ཟབ་སྤེལ་གཏོང་ཆེད། ཟླ8པའི་ཚེས7ཉིན། རྫོང་བུད་མེད་མཉམ་འབྲེལ་ལྷན་ཚོགས་ཀྱིས་ལོ་ཆུང་བྱིས་པའི་སེམས་པ་ཏང་ལ་ཕྱོགས་ཤིང་བདེ་ཐང་འཚར་ལོངས་ལ་ཐུགས་ཁུར་བྱེད་ཅེས་པའི2023ལོའི་དབྱར་གནང་གི་བྱིས་པར་གཅེས་སྐྱོང་གནང་བའི་བྱེད་སྒོ་སྤེལ།

    བྱེད་སྒོར་བྱིས་པ་རྣམས་མཛོད་དགེ་རྫོང་ཀྲུང་གོའི་བཟོ་ཞིང་དམར་དམག་བན་ཡུལ་སྔོན་བྱོན་དཔའ་བོའི་རྗེས་དྲན་རྡོ་རིང་དང་། རྒྱལ་ཁའི་སྐྱ་རེངས་ཁོངས་ཡོངས་ཡུལ་སྐོར་བློ་འདྲི་ཞབས་ཞུ་ལྟེ་གནས་སོགས་སུ་བསྐྱོད་དེ། དམར་དམག་རྒྱང་སྐྱོད་ཀྱི་ལོ་རྒྱུས་རྒྱབ་ལྗོངས་དང་དཀའ་སྤྱད་ལོ་ཟླར་རྒྱུས་ལོན་བྱས། གསར་བརྗེའི་རྐང་རྗེས་བསྙེགས་ནས་སྔོན་བྱོན་དཔའ་བོའི་དཀའ་སྤྱད་འབད་བརྩོན་དང་མཐུན་སྒྲིལ་འཐབ་འཐབ་ཀྱི་སྙིང་སྟོབས་ཉམས་ལེན་སྒོས་རྒྱལ་གཅེས་ཀྱི་ས་བོན་སེམས་སུ་བཏབ་པ་དང་། གསར་བརྗེའི་ལོ་ཟླར་ཕྱི་དྲན་གྱི་བརྒྱུད་རིམ་ཁྲོད། བྱིས་པ་རྣམས་ཀྱིས་གསར་བརྗེའི་ལོ་རྒྱུས་ཡིད་ལ་ངེས་ནས་ཡར་སྐུལ་གྱི་སྟོབས་ཤུགས་བསྡུ་ལེན་བྱེད་པར་ཁྲིད་སྟོན་དང་། བློ་རྩ་བརྟན་ལ་རྒྱལ་གཅེས་ཀྱི་འདུན་མ་ཟབ་པའི་དུས་རབས་གསར་བའི་གསར་བརྗེའི་གཞི་རྒྱུ་རྒྱུད་འཛིན་མཁན་བྱེད་པར་སྐུལ་ལྕག་གནང་།

    དེ་ནས་བྱིས་པ་རྣམས་སྐལ་བཟང་མེ་ཏོག་ཁྲིམས་འཛིན་མྱུག་སྐྱོང་ལྟེ་གནས་སུ་བསྐྱོད་ཅིང་། ལས་གཉེར་བས་སློབ་རའི་བདེ་འཇགས་ཉེན་འགོག་དང་ཉེས་གསོག་སྔོན་འགོག དུག་འགོག་དུག་སེལ། མེ་གསོད་བདེ་འཇགས། རང་ཉིད་སྲུང་སྐྱོང་གི་རྒྱུན་ཤེས། རང་བྱུང་གནོད་འཚེ་ཁྲོད་ཀྱི་རང་སྐྱོབ་རྒྱུན་ཤེས་སོགས་ཀྱི་ཐད་ནས་ངོ་མཚར་བའི་ཁྲིམས་སྐྱོང་སློབ་ཁྲིད་བྱས་པར་མ་ཟད། བྱིས་པ་རྣམས་ཀྱིས་སློབ་རའི་ལོ་ཟླར་གཅེས་སྤྲས་བྱས་ཏེ་ཉེན་ཁ་དང་རིང་དུ་བྲལ་ནས། རང་ཉིད་སྲུང་སྐྱོབ་གང་ལེགས་བྱས་ཏེ། དུས་རབས་གསར་བའི་ཁྲིམས་སྲུང་བྱིས་པ་ཡག་པོ་བྱེད་པར་འབོད་སྐུལ་གནང་།

    བྱེད་སྒོ་སྤེལ་བའི་ད་དུང་སྤྲོ་སྣང་ལྡན་པའི་རོལ་རྩེད་སྣ་ཚོགས་བཀོད་སྒྲིག་བྱས་པ་སྟེ། གླག་རྒོད་ཀྱིས་བྱ་ཕྲུག་འཛིན་པ་དང་ལག་རས་གཡུག་པ། མཐུད་རྒྱུག་འགྲན་བསྡུར་སོགས་སྤེལ་བས། བྱིས་པ་རྣམས་ཀྱིད་གདོང་ལ་འཛུམ་ཀྱིས་ཁེངས། ཐེངས་འདིའི་བྱེད་སྒོ་སྤེལ་བ་བརྒྱུད། བྱིས་པ་རྣམས་ལ་སྔོན་བྱོན་དཔའ་བོའི་དཔའ་ངར་ཞུམ་མེད་ཀྱི་གསར་བརྗེའི་སྙིང་སྟོབས་དངོས་སུ་ཚོར་དུ་བཅུག་པར་མ་ཟད། བཅའ་ཁྲིམས་ཤེས་བྱ་དང་རང་སྐྱོབ་འདུ་ཤེས་ཇེ་ཆེར་བཏང་བས། ཁོ་ཚོས་གཅིག་རྗེས་གཉིས་མཐུད་དུ་རྒྱང་སྐྱོད་སྙིང་སྟོབས་རླབས་པོ་ཆེ་ལ་སློབ་སྦྱོང་གང་ལེགས་བྱེད་ཅིང་ལུས་རྩལ་སྦྱོང་བརྡར་ལ་ཤུགས་སྣོན་སྒོས། ཀུན་སྤྱོད་ལེགས་ལ་རིག་སྟོབས་རྒྱས་པའི་ལོ་ཆུང་བྱིས་པ་བྱེད་པར་འབད་ནས། དུས་རབས་གསར་བའི་གསར་བརྗེའི་གཞི་རྒྱུ་རྒྱུད་འཛིན་མཁན་བྱེད་རྒྱུ་ཡིན་ཟེར།