སྤྱི་ཟླ་11པའི་ཚེས་21ཉིན། རྒྱལ་སྲིད་སྤྱི་ཁྱབ་ཁང་གིས་ཙུང་ལི་ལི་ཁེ་ཆང་གིས་ཁལ་ལུང་ཕུ་ནས་ལ་ཝོ་སི་ཡི་ཙུང་ལི་ཐུང་ཞིན་དང་མཇལ་འཕྲད་གནང་།

　　ལི་ཁེ་ཆང་གིས་ལོ་ཝོ་སི་ཡིས་མི་འགྱངས་པར་རྒྱལ་ཁབ་བཙུགས་ནས་ལོ་འཁོར་40ལོན་པའི་དགའ་སྟོན་བསུ་བར་རྟེན་འབྲེལ་ཞུས། ཁོང་གིས་ཀྲུང་གོ་དང་ལོ་ཝོ་སི་གཉིས་ནི་སྲོལ་རྒྱུན་གྱི་མཛའ་འབྲེལ་རྒྱལ་ཁབ་གཉིས་ཡིན། ཀྲུང་གོའི་ཕྱོགས་ནས་ལོ་ཝོ་སི་དང་མཉམ་དུ་མཐོ་རིམ་འབྲེལ་བ་གཏིང་ཟབ་ཏུ་སྤེལ་ཞིང་འཐབ་ཇུས་བརྗེ་རེས་དང་མཉམ་འབྲེལ་མཐུན་སྒྲིལ་ལ་ཤུགས་སྣོན་བྱས་ཏེ་མཉམ་དུ་ཀྲུང་གོ་དང་ལོ་ཝོ་སི་ཡི་ཕྱོགས་ཡོངས་འཐབ་ཇུས་འབྲེལ་བ་སྐས་རིམ་གསར་པར་འཕེལ་བར་སྐུལ་འདེད་གཏང་འདོད་ཅེས་བསྟན།

　　ལི་ཁེ་ཆང་གིས་དེང་སྐབས་ཀྲུང་གོ་དང་ལོ་ཝོ་སི་ཡི་མཉམ་འབྲེལ་ཕྱོགས་ནས་རྒྱུན་ཆད་མེད་པར་གཡུར་དུ་ཟ་བའི་འབྲས་བུ་བླངས་ཡོད། ཀྲུང་གོ་དང་ལོ་ཝོ་སི་གཉིས་ཀྱི་ལྕགས་ལམ་མཉམ་འབྲེལ་འཕེལ་རྒྱས་སུ་སོང་བ་ཤིན་ཏུ་བཟང་། ལོ་ཝོ་སི་ཆེས་ཐོག་མའི་འཁོར་སྐར་ཀྲུང་གོ་ནས་བདེ་བླག་ངང་ཤར་གཏོང་་བྱེད་ཐུབ་པ་བྱུང་། ཕྱོགས་གཉིས་ཀྱི་མུ་མཐུད་དུ་འབད་པ་ཆེན་པོས་དཔལ་འབྱོར་མཉམ་ལས་ས་ཁུལ་དང་མྱུར་བགྲོད་གཞུང་ལམ། ལྕགས་ལམ་སོགས་རྨང་གཞིའི་སྒྲིག་བཀོད་ཀྱི་འཛུགས་སྐྲུན་མཉམ་ལས་ལ་གྲུབ་འབྲས་ཆེན་པོ་ལོན་པར་སྐུལ་འདེད་གཏང་པ་དང་ས་ཁུལ་བར་གྱི་མཉམ་སྦྲེལ་མཉམ་མཐུད་ཀྱི་དཔེ་མཚོན་བཟོ་བཀོད་འཛུགས་སྐྲུན་བྱ་དགོས་ཞེས་བསྟན།

　　ཐུང་ཞིན་གྱིས་ལོ་ཝོ་སི་དང་ཀྲུང་གོ་ནི་ལོ་རྒྱུས་ཀྱི་རྒྱུན་རིང་བའི་མཛའ་འབྲེལ་རྒྱལ་ཁབ་གཉིས་ཡིན། རྒྱལ་ཁབ་གཉིས་ཀྱི་ཆབ་སྲིད་ཡིད་ཆེས་རྒྱུན་ཆད་མེད་པར་སྲ་བརྟན་དང་དངོས་དོན་འབྲེལ་བ་ཉིན་རེ་བཞིན་རྒྱ་སྐྱེད་དེ་ཕྱོགས་ཡོངས་མཉམ་ལས་འབྲེལ་བ་གཏིང་ཟབ་ཏུ་སྤེལ། ལ་ཝོ་སི་ཕྱོགས་ནས་ཀྲུང་གོས་དུས་ཡུན་རིང་བོར་ལ་ཝོ་སི་ཡི་དཔལ་འབྱོར་སྤྱི་ཚོགས་འཕེལ་རྒྱས་སུ་འགྲོ་བར་རྒྱབ་སྐྱོར་བྱས་པར་བཀའ་དྲིན་ཞུ། ལ་ཝོ་སི་ཡིས་ཨེ་ཤ་ཡའི་ཤར་ལྷོའི་ས་ཁུལ་མནའ་འབྲེལ་གྱི་རེས་མོས་ཀྲུང་ཞི་རྒྱལ་ཁབ་ཀྱི་འགན་ཁུར་སྐབས་ཨེ་ཤ་ཡའི་ཤར་ལྷོའི་ས་ཁུལ་མནའ་འབྲེལ་དང་ཀྲུང་གོའི་མཉམ་སྦྲེལ་མཉམ་མཐུད་དང་བཟོ་ཚོང་། མི་ཆོས་སོགས་ཁྱབ་ཁོངས་ཀྱི་མཉམ་འབྲེལ་ལ་ཤུགས་སྣོན་བྱ་ངེས་ཞེས་བསྟན།།