སྤྱི་ཟླ་11པའི་ཚེས་24ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་སྐབས་བཞི་བའི་ཀྲུང་གོ་དང་ཡོ་རོབ་དབུས་ཤར་རྒྱལ་ཁབ་ཀྱི་དབུ་ཁྲིད་པའི་གྲོས་ཚོགས་ལ་ཞུགས་པར་ཕེབས་པའི་སི་ལོ་ཝེ་ཉི་ཡའི་ཙུང་ལི་ཚེ་ལཱར་དང་མཇལ་འཕྲད་གནང་།

　　ལི་ཁེ་ཆང་གིས་ཀྲུང་གི་དང་སི་ལོ་ཝེ་ཉི་ཡ་གཉིས་ཀྱི་འབྲེལ་བ་འཕེལ་རྒྱས་སུ་སོང་བ་ཤིན་ཏུ་བཟང་། རྒྱལ་ཁབ་གཉིས་ཀྱི་དཔལ་འབྱོར་འཕེལ་རྒྱས་ལ་མཐུན་པའི་ཆ་མང་ཞིང་དངོས་དོན་མཉམ་འབྲེལ་གྱི་མདུན་ལྗོངས་ཤིན་ཏུ་ཡངས། ཀྲུང་གོའི་ཕྱོགས་ནས་སི་ཧྥང་ཕེར་མཚོ་ལམ་རིམ་འཕར་དང་ལྕགས་ལམ་འཛུགས་བསྐྲན་གྱི་ལས་གཞིར་ཞུགས་འདོད་ལ། དེ་མིན་ཀྲུང་གོའི་ཕྱོགས་ནས་བཏོན་པའི་མཚོ་ཁུལ་གསུམ་གྱི་མཉམ་འབྲེལ་གྱི་གྲོས་གཞིར་བསྟེན་ཏེ་སི་ལོ་ཝེ་ཉི་ཡ་དང་བཟོ་ཚོང་ཁུལ་དང་དངོས་སྐྱེལ། དམག་ཆས་སྒྲིག་བཟོ། འགྲིམ་འགྲུལ་རྨང་　　ཚེ་ལཱར་སི་ལོ་ཝེ་ཉི་ཡ་དང་ཀྲུང་གོ་དུས་ཡུན་རིང་བའི་མཛའ་འབྲེལ་རྒྱལ་ཁབ་གཉིས་ཡིན། ཕྱོགས་གཉིས་ཀྱི་འབྲེལ་བ་བརྟན་བརླིང་ངང་འཕེལ་རྒྱས་སུ་འགྲོ་བཞིན་འདུག སི་ལོ་ཝེ་ཉི་ཡ་ཕྱོགས་ནས་ཀྲུང་གོའི་རྒྱུད་གཅིག་ལམ་གཅིག་གི་གྲོས་གཞིར་ཞུགས་འདོད་པར་མ་ཟད། མཉམ་སྦྲེལ་མཉམ་མཐུད་ཀྱི་མཉམ་འབྲེལ་ལ་ཤུགས་སྣོན་ཡང་བྱ་འདོད། ཀྲུང་གོའི་ཁེ་ལས་ཁེ་ཕེར་མཚོ་ཁ་སོགས་ཀྱི་མཉམ་འབྲེལ་ལས་གཞིའི་འཛུགས་བསྐྲུན་ལ་ཞུགས་ཏེ་དངོས་དོན་བཟོ་ཚོང་མཉམ་ལས་འབྲེལ་བ་རྒྱ་སྐྱེད་པར་འདོད། དེ་མིན་ཡུལ་སྐོར་ལས་རིགས་ཀྱི་མཉམ་འབྲེལ་ཤུགས་སྣོན་དང་2022ལོའི་དགུན་ཁའི་ཨོ་རྩལ་འགྲན་ཚོགས་ཐད་ནས་མཉམ་འབྲེལ་བརྗེ་རེས་བྱ་འདོད་ཅེས་བསྟན།།