སྤྱི་ཟླ་3པའི་ཚེས་16ཉིན་གསར་འགོད་པས་སློབ་གསོ་པུའུ་ནས་རྒྱུས་ལོན་བྱུང་བའི་གནས་ཚུལ་ལྟར་ན།  རྒྱལ་ཁབ་ཐུན་མོང་གིས་སྤྱོད་བཞིན་པའི་སྐད་ཡིག་ཁྱབ་གདལ་དང་ཚད་ལྡན་དུ་གཏང་བ་དང་། ཚན་རིག་དང་མཐུན་པའི་སྒོ་ནས་མི་རིགས་སོ་སོའི་སྐད་ཡིག་སྲུང་སྐྱོང་བྱ་ཆེད།    རང་རྒྱལ་ཀྱིས་2005ལོར་ཀྲུང་གོའི་སྐད་རིགས་ཐོན་ཁོངས་སྲུང་སྐྱོང་ལས་གཞིའི་འགོ་བརྩམས།  མིག་སྔར་འཆར་གཞི་ལྟར་གྲངས་ཉུང་མི་རིགས་སྐད་རིགས་（འཇིག་ཉེན་ཆེ་བའི་སྐད་རིགས་འདུ།）བརྟག་དཔྱད་ས་ཚིགས་81། རྒྱ་ཡིག་གི་ཡུལ་སྐད་（འཇིག་ཉེན་ཆེ་བའི་སྐད་རིགས་འདུ།）བརྟག་དཔྱད་ས་ཚིགས་53དང་སྐད་ཡིག་རིག་གནས་བརྟག་དཔྱད་ས་ཚིགས་32ལེགས་འགྲུབ་བྱུང་།
    ངོ་སྤྲོད་བྱས་པ་ལྟར་ན་སློབ་གསོ་པུའུ་དང་རྒྱལ་ཁབ་སྐད་ཡིག་ཨུ་ཡོན་ལྷན་ཁང་གིས་2015ལོའི་ཟླ་5པར་《ཀྲུང་གོའི་སྐད་རིགས་ཐོན་ཁོངས་སྲུང་སྐྱོང་ལས་གཞི་འགོ་ཚུགས་པའི་སྐོར་གྱི་བརྡ་ཐོ།》དཔར་འགྲེམ་བྱས།  རྒྱལ་ཡོངས་ཀྱི་ཁྱབ་ཁོངས་སུ་སྐད་རིགས་ཐོན་ཁོངས་བརྟག་དཔྱད་དང་ཉར་ཚགས།  འགྲེམ་སྟོན། གསར་འབྱེད་དང་བཀོལ་སྤྱོད་སོགས་ཀྱི་ལས་ཀ་སྤེལ། ལས་གཞི་དེའི་དམིགས་ཡུལ་ནི་གཅིག་གྱུར་གྱི་ལས་དོན་དང་ལག་རྩལ་གྱི་དཔེ་ཚད་མ་དཔེ་ལ་གཞིར་བཟུང་ནས་སྐད་ཡིག་དང་ཡུལ་སྐད་སོགས་ལ་བརྟག་དཔྱད་དང་འཚོལ་བསྡུ།  ལེགས་སྒྲིག ལས་སྣོན་བཅས་བྱས་ནས་གཞི་ཁྱོན་ཆེ་བ་དང་རྒྱུན་མཐུད་གོང་འཕེལ་གྱི་འཕྲིན་སྦྱོར་སྐད་ཆའི་ཐོན་ཁོངས་ཀྱི་གྲངས་མཛོད་ལ་ཚན་རིག་རང་བཞིན་དང་ཚད་གཞི་རང་བཞིན་གྱི་ཁྱད་ཆོས་ལྡན་དེ་རེད།།