སྤྱི་ཟླ་3པའི་ཚེས་22ཉིན་གྱི་སྔ་དྲོར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི། ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་ཟབ་སྤེལ་གྱི་འགོ་ཁྲིད་ཚན་ཆུང་གི་འགན་འཛིན་པ་ཞི་ཅིན་ཕིང་གིས་ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་ཟབ་སྤེལ་གྱི་འགོ་ཁྲིད་ཚན་ཆུང་གི་གྲོས་ཚོགས་ཐེངས་ཉེར་གཉིས་པར་གཙོ་སྐྱོང་གནང་པར་མ་ཟད་གཏམ་བཤད་གལ་ཆེན་གནང་། ཁོང་གིས་ནན་གྱིས་བསྟན་དོན། ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་དུས་རིམ་གལ་ཆེན་དེར་རྒྱལ་ཁ་ལེན་དགོས་ན་ཡོངས་ནས་བཅོས་སྒྱུར་ཟབ་སྤེལ་བརྒྱུད་ནས་འཕེལ་རྒྱས་ཀྱི་འདུ་ཤེས་གསར་པ་དོན་འཁྱོལ་བྱེད་པར་སྐུལ་འདེད་བྱ་དགོས། འཕེལ་རྒྱས་ཀྱི་འདུ་ཤེས་གསར་པ་དོན་འཁྱོལ་བྱེད་པར་ཕན་པའི་སྒྲིག་གཞི་སྒྲིག་སྲོལ་ལ་དམིགས་ནས་བཅོས་སྒྱུར་བྱེད་ཤུགས་ཆེ་རུ་གཏང་པ་དང་། དཔལ་འབྱོར་གོང་འཕེལ་གྱི་རྒྱུན་རྣམ་གསར་པའི་འོག་འཕྲད་པའི་འགལ་ཟླ་དང་འགྲན་རྩོད་ལ་ཁ་གཏད་དགོས་ཤིང་། ཞན་ས་དང་མི་འདང་སར་ཁ་གཏད་པ་དང་གནད་སྨིན་དབེན་དམིགས། སྟོབས་ཤུགས་གཅིག་སྒྲིལ་སྒོས་གསར་གཏོད་ནུས་པ་ཆེ་རུ་གཏང་རྒྱུ་དང་དོ་མཉམ་འཕེལ་རྒྱས་ལ་སྐུལ་འདེད་གཏང་པ། སྐྱེ་ཁམས་ཁོར་ཡུག་ཇེ་བཟང་གཏང་རྒྱུ་དང་སྒོ་འབྱེད་ཆུ་ཚད་མཐོར་འདེགས་གཏང་པ། མཉམ་སྤྱོད་འཕེལ་རྒྱས་ལ་སྐུལ་འདེད་གཏང་པ་བཅས་ཀྱི་ཐད་ནས་གྲུབ་འབྲས་གསར་པ་ལེན་པར་ཧུར་བརྩོན་བྱ་དགོས།
ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན། ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་ཟབ་སྤེལ་གྱི་འགོ་ཁྲིད་ཚན་ཆུང་གི་འགན་འཛིན་གཞོན་པ་ལིའུ་ཡུན་ཧྲན། ཀྲང་ཀའོ་ལི་གྲོས་ཚོགས་སུ་ཞུགས། །
