སྤྱི་ཟླ་3པའི་ཚེས་22ཉིན། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་བྷེམ་ཇམ་གྱི་རྒྱལ་ས་བྷ་ར་སལ་དུ་འཇིགས་སྐུལ་དོན་རྐྱེན་རབ་དང་རིམ་པ་བྱུང་བར་བྷེམ་ཇམ་གྱི་དབུ་བཞུགས་བློན་ཆེན་མའེ་ཞེར་ལ་སེམས་གསོའི་གློག་འཕྲིན་བཏང་སྟེ་འཇིགས་སྐུལ་བྱ་སྤྱོད་ལ་རྒོལ་གཏམ་དྲགས་པོ་བཏང་ཞིང་རྐྱེན་ལམ་དུ་ཤོར་བ་དག་ལ་མྱ་ངན་ཞུས་པར་མ་ཟད་རྨས་ཕོག་མཁན་དང་རྐྱེན་ལམ་དུ་ཤོར་བའི་ཁྱིམ་མི་དག་ལ་ལྷག་སེམས་རྣམ་དག་གིས་སེམས་གསོའི་འཚམས་འདྲི་ཞུས།
    ལི་ཁེ་ཆང་གིས་སེམས་གསོའི་གློག་འཕྲིན་ནང་ཀྲུང་གོའི་ཕྱོགས་ནས་བྷེམ་ཇམ་གྱིས་འཇིགས་སྐུལ་རིང་ལུགས་ལ་ངོ་རྒོལ་དང་རྒྱལ་ཁབ་བདེ་འཇགས་ཀྱི་འགན་སྲུང་ལ་འབད་པ་བྱེད་པར་རྒྱབ་སྐྱོར་བྱེད་པ་མ་ཟད་བྷེམ་ཇམ་དང་ལྷན་དུ་རྒྱལ་སྤྱིའི་སྤྱི་ཚོགས་ཀྱི་མཉམ་འབྲེལ་ལ་ཤུགས་སྣོན་བྱས་ཏེ་འཇིགས་སྐུལ་རིང་ལུགས་ཀྱི་འཇིགས་སྐུལ་དང་འགྲན་རྩོད་ལ་ཁ་གཏོད་འདོད་ཅེས་བསྟན།།