དྲི་བ། ཅི་ཞིག་ལ་མི་རིགས་ས་ཁོངས་རང་སྐྱོང་ཟེར།
མི་རིགས་ས་ཁོངས་རང་སྐྱོང་ཞེས་པ་ནི་རང་རྒྱལ་གྱི་མི་རིགས་ས་ཁོངས་རང་སྐྱོང་བཅའ་ཁྲིམས་ལས། རྒྱལ་ཁབ་ཀྱི་གཅིག་གྱུར་འགོ་ཁྲིད་འོག གྲངས་ཉུང་མི་རིགས་ཁག་འདུས་སྡོད་བྱེད་སར་ས་ཁོངས་རང་སྐྱོང་དངོས་སུ་བྱས་ནས་རང་སྐྱོང་ལས་ཁུངས་བཙུགས་ཏེ་རང་སྐྱོང་བྱེད་དབང་ལོངས་སུ་སྤྱོད་པ་ཞིག་ལ་བྱ་སྟེ། དེ་ལ་གཤམ་གསལ་གྱི་ནང་དོན་དག་འདུ་སྟེ།
གཅིག ངེས་པར་དུ་ཀྲུང་དབྱང་གི་གཅིག་གྱུར་འགོ་ཁྲིད་འོག་ས་ཁོངས་རང་སྐྱོང་བྱེད་པ།
གཉིས། མི་རིགས་རང་སྐྱོང་ལས་ཁུངས་ནི་ཀྲུང་དབྱང་མི་དམངས་སྲིད་གཞུང་གི་གཅིག་གྱུར་འགོ་ཁྲིད་འོག་གི་ས་གནས་སྲིད་དབང་ཡིན་པས། སྤྱིར་བཏང་གི་ས་གནས་རྒྱལ་ཁབ་ལས་ཁུངས་ཀྱི་འགན་ནུས་ལྡན་ལ། མི་རིགས་རང་སྐྱོང་ལས་ཁུངས་ཀྱི་འགན་ནུས་ཀྱང་ལྡན་པ་རེད།
གསུམ། གྲངས་ཉུང་མི་རིགས་འདུས་སྡོད་བྱས་པའི་ས་ཆར་རང་སྐྱོང་བྱེད་པ་ལས། ཐར་ཐོར་དུ་སྡོད་པའི་མི་རིགས་གཅིག་པའི་མི་རྣམས་ས་ཆ་གཅིག་ཏུ་བསྡུས་ཏེ་རང་སྐྱོང་བྱ་མི་རུང་བ།
བཞི། འདུས་སྡོད་བྱས་པའི་གྲངས་ཉུང་མི་རིགས་དེ་ཡི་མི་དམངས་ཀྱིས་ས་གནས་རང་སྐྱོང་བྱེད་པ་དང་རང་སྐྱོང་ལས་ཁུངས་འཛུགས་པ། མི་རིགས་རང་ཉིད་ཀྱི་ལས་དོན་ལ་དོ་དམ་བྱེད་པ་བཅས་སོ། །
