ཁྱོད་ཀྱི་ངོ་བཀླགས་པ།
ཁྱོད་ཀྱི་ངོ་བཀླགས་པ།
ཡིན་པ་ནི་ཁྱོད་ངུས་པ་རེད
འོན་ཏེ་ངའི་ཁ་ངོ་སྐྲངས་ནས
མིག་ཆུ་གྱེན་དུ་བཞུར་དྲགས་པས་སྨིན་མ་དག་བརླན་པར་བྱས
ཐ་ན་མིག་འབྲས་གཉིས་ཀའང་དམར་ཁྲོག་ཁྲོག
ཀླད་གཙུག་ནས་སྐྲ་འདབས་བར་སེ་མདའ་ལྷུང་བའི་སྐོར
གང་ལ་གསང་དང་མ་གསང་མི་འདུག
ཡིན་པ་ནི་ཁྱོད་བགད་པ་རེད
འོན་ཏེ་ངའི་རྒྱུ་མཐིལ་གཟེར་ནས
རྒྱུ་མ་ཐུ་ཁུད་ལ་ལྷུང་ནས་དགྱེ་སྒུར་མི་ཐུབ་པར་བྱས
དབུགས་ཀྱང་གཏོང་ལེན་དཀའ་ཚོད་རེད
ཕྱི་རྟིང་ནས་ཚང་ཚིགས་བར་ན་ཟུག་བསྐྱེད་པ་དེ
མེ་བཙའ་བཞག་ཀྱང་མ་བཞག་མི་འདུག
