ཆག་གས་སུ་སོང་བའི
ཉི་འོད་དང་མུན་པའི་གས་ཁར་འགྲེང་སྟེ
ཤེལ་དམ་དུ་མཚན་མདོག་གི་མར་མེ་བླུགས
རྡོ་ཡི་ཉི་མ་བླུགས
མར་ཟགས་བཞིན་པའི་འཁོར་བའི་ཆོ་ངེ་བླུགས
རྟ་ཁ་བསྒགས་ཏེ་ལུས་པའི་དུས་ཚོད་བླུགས
རྨིས་པར་འགྱུར་བའི་སྐད་ཅིག་མའི་དྲན་པ་བླུགས
མཐའ་མཇུག་གི་རྨ་ཁ་བླུགས་ཀྱང་སྟོང་སེང་ངེར་གནས
མུན་པ་བརྒལ་ཏེ་ལོག་ཀྱང་སྙིང་བོས་སྟོང
དགའ་སྐྱོས་མ་ཐེག་པའི་བསྐལ་བའི་མཐའ་ནས
ཤེལ་དམ་དུ་མིག་ལོང་བའི་དྲན་གདུང་བླུགས
ས་ལ་འགྱེལ་བ་ནང་བཞིན་གྱི་མཚན་མོ་བླུགས
